童話睇硬了 - 新年甜蜜蜜 引人入性玩凹凸

撰文： 編輯部 | 發布日期： 2025年01月03日

童話睇硬了 Forbidden Fairytale

資料
發行:洲立影片
導演:李鍾錫
主演:智炫、崔始源、成東鎰
級數:待定
片長:分鐘待定
上映日期:2025年2月

故事大綱

新年想甜蜜蜜？一於睇吓呢對男女，點樣「甜」到出汁，引人入性玩凹凸！全新韓國爆笑喜劇《童話睇硬了》（Forbidden Fairytale），超瘋狂的劇情展開，加上鹹鹹濕濕「甜故」吊味，炮製㷫烚烚睇硬賀歲喜劇。韓劇《財閥家的小兒子》朴智炫由純情妹豬化身小淫筆，寫盡各種令人紅都面晒的色色幻想；元祖級男團「Super Junior」崔始源日日審查鹹片搾乾精力，慘變不舉男；《劫機1971》成東鎰擔當甜故大腦細，誓要將成人文學發揚光大！三人破格合體，寫甜故越寫越有計，爆笑鹽花絕對唔俹簁。《童話睇硬了》將於2025農曆新年笑吟吟「硬」闖香港！

2025新年大灑鹽花、爆笑「睇硬」之作！決心成為童話作家的丹妃（朴智炫　飾）打算一邊做公務員，一邊實現她從小的夢想。點知新工原來要審查網絡上一切18禁物料：冇格鹹片、禁忌甜故通通都要睇！滿腦子都是童話的丹妃，眼見社畜前輩正錫（崔始源　飾）返工飽受「刺激」搞到不舉，擔心自己純真的心被污染；更糟的是，她意外得罪甜故網站腦細（成東鎰　飾），被逼幫他寫甜故來還債…以閨密們一連串衝擊三觀的18禁經歷為靈感，無意中打開了丹妃內心的色色開關，她筆下生動㷫烚烚的甜故，甚至令正錫睇到硬起來？！今個新年，人人有起色！

資料提供:洲立影片