《命案》創作團隊出席柏林影展

撰文： 編輯部 | 發布日期： 2023年02月22日

由 MakerVille Company Limited 首部出品，銀河映像 (香港) 有限公司攝製，高先電影香港發行的電影《命案》獲邀參展今年度柏林影展 – 特別展映單元 (Berlin International Film Festival - Berlinale Special) ，衝出國際！影帝林家棟首度與人氣組合 MIRROR 隊長 Lokman (楊樂文) 合作，夥拍吳廷燁、陳湛文、伍詠詩、黃文慧、古天農、黃呈欣、陳佩思等傾力演出；並由金牌得獎班底杜琪峯、鄭保瑞、游乃海攜手製作。電影創作團隊包括監製杜琪峯、導演鄭保瑞、主演林家棟及 Lokman 於昨天 (19號) 出席了柏林影展在世界首映。

導演鄭保瑞繼電影《智齒》後，以《命案》再度參選柏林影展，鄭保瑞表示：「好開心能夠帶《命案》來柏林電影節同國際嘅觀眾見面，睇到好多記者朋友同觀眾對《命案》都好感興趣，亦對 Lokman 同家棟嘅演出表示讚賞。對於這部電影來講，係一個非常好嘅開始，希望之後會走得更好更遠！」

同為《命案》及《智齒》男主角的林家棟出席柏林影展紅地毯時表示：「多謝導演同電影公司，讓我能夠遠赴柏林，出席《命案》嘅國際首映禮，能夠參與其中，確實與有榮焉，衷心祝福導演再創佳績。」

MIRROR 隊長 Lokman 繼演出《狂舞派》和《狂舞派3》後，第三度參演電影。Lokman 對於《命案》能入圍被譽為歐洲三大影展之一的柏林影展，感到喜出望外：「今次嚟到柏林影展，有幾樣嘢好深感受。其中喺訪問嘅時候，聽到瑞導同家棟嘅對答，聽到佢哋對電影嘅深入、著迷，都令到我自己不其然覺得要再諗多好多好多。真心嘅，唔係擦鞋，唔係吹水！另外就係世界首映嘅戲院，係60年代嘅建築，嗰種濃厚嘅味道令到今次影展之旅嘅儀式感加強幾倍！最後就係喺一個幾百人嘅影院入面睇住自己嘅演出，結局之後我自己打咗一個好長、好特別嘅『冷震』。知道可以參與柏林影展，係有一種驚喜開心。參與完柏林影展，係有一種幸福。」

第73屆柏林影展於2023年2月16日至2月26日於柏林舉行。柏林電影節特別展映單元 (Berlinale Special) 則是一個特殊的系列，專門展示與眾不同的影壇新作。而早於數天前 (16號) ，《命案》於柏林影展首映的門票早已搶購一空。

資料提供: 高先電影