《1人婚禮》首映禮

撰文： 編輯部 | 發布日期： 2023年01月28日

《1人婚禮》1月26日晚上8時於iSQUARE舉行首映禮。多位台前幕後出席，包括導演周冠威、監製曾麗芬小姐、監製鍾宏杰，主角吳冰、陳健朗，主演盧巧音、王宗堯、陳逸寧、唐浩然、黃寶漳、林欣 JLou。眾多名人嘉賓亦到場支持 (排名不分先後)：梁祖堯、談善言、鍾雪瑩、岑樂怡 (阿妹)、蘇浩才 (Sammy@Kolor)、邱彥筒 (Marf@Collar)、關浩傑 (阿J@小薯茄)、蔡曉童 (童童@小薯茄)、鄧麗英 (麗英@小薯茄) 、朱柏熹 (朱 Mic)、姚澤汶 (肥蚊)、 陳苡臻 (Jessica@試當真)、倪安慈 (阿慈@試當真)、戴玉麒、林兆霞、徐浩昌 (肥腸) 及EOS。

周冠威導演對於首度挑戰喜劇表示無所畏懼：「我做人係大膽，希望觀眾睇《1人婚禮》嘅時候會有新鮮感。」對於今年有數套賀歲片互相較勁，周冠威則以輕鬆心態面對：「電影係藝術，所以唔同 (類型) 嘅電影會滿足到唔同嘅觀眾，對我嚟講其實係好開心。一開始做優先場嘅時候其實好緊張，但由啱啱踏上首映禮台上嗰刻開始，就決定選擇Enjoy自己作品面世嘅時刻；所以我會以輕鬆心態面對，因為觀眾嘅感受係控制唔到，只可以改變自己心態。」

女主角阿冰穿起婚紗出席首映禮，純白婚紗配上阿冰美貌，簡直人見人愛！她談起電影中最難忘的事：「跳海一定係最難忘嘅事，雖然有替身，但其實我都需要自己跳落去架。」在首映謝票場時更答應觀眾，票房到達1000萬會穿上三點式答謝各位，更揚言「任影唔嬲！」

男主角陳健朗被導演公開拍攝趣事，原來拍攝期間阿朗曾經藏起阿冰的劇本！對此他表示：「希望拍攝氣氛可以更開心，亦希望可以喺現場再創作更多。」果然有導演風範！除了阿冰會穿三點式答謝觀眾外，阿朗亦不甘示弱，選擇以裸跑來答謝1000萬票房！

主演盧巧音指出自己接拍《1人婚禮》的原因：「因為王宗堯好靚仔啦仲可以做埋我 (戲中) 老公，但最重要係因為依個班底所以接拍咗套戲。」王宗堯亦表示：「最緊要係導演 (周冠威) 、高先 (高先電影有限公司) 、杜生 (杜汶澤) ，所以一定會接拍依套戲啦！大家都知道Candy (盧巧音) 嘅形象比較豪邁，而且要專登搵化妝師幫作遮紋身變返一個典型嘅斯文女人，對我嚟講好特別。」

兩位戲中飾演情敵嘅唐浩然及黃寶漳，亦對電影感受至深，唐浩然認為：「我同戲中角色好似，都係一個好癡情嘅人嚟。」而黃寶漳則對電影表達了很高的期望：「希望依套唔只係『1人婚禮』，仲係萬人婚禮，(全港) 700萬人婚禮！」適逢翌日 (1月27日) 是唐浩然生日，大家更為他準備了生日蛋糕於首映禮上一同慶生，氣氛非常高漲。

資料提供: 高先電影