高先電影院初七開幕

撰文： 編輯部 | 發布日期： 2021年02月20日

新年新氣象，全新戲院 Golden Scene Cinema 高先電影院於 2月18日 (星期四) 開幕，為一眾港島西街坊帶來既親切又嶄新的觀影體驗。

高先電影有限公司，立足香港二十多年，多年來一直致力發行及宣傳推廣中外電影，近年更出品、發行多部香港電影，例如《狂舞派》、《狂舞派3》、「高先四寶」—《金都》、《幻愛》、《叔叔》、《戲棚》，還有《一念無明》、《點五步》、《淪落人》、《十年》等等。

踏入牛年，高先電影有限公司成立自家電影院 — Golden Scene Cinema 高先電影院。電影院座落 堅尼地城吉席街2號，服務堅尼地城及港島西區居民，為電影迷提供更多元的電影選擇。

高先電影院共有4個院，共約280個座位。電影院設計上十分花心思，設計概念風格同物料揉合香港的歷史與文化，塑造出中西合璧的特色。同時香港作為一個急速生活的城市，都市人常常會忙到不知時日，因此高先電影院特設日光同夜光，讓大家在戲院裡面有個空間逃避壓力，好好enjoy the show，好好看電影。

高先電影院為了讓觀眾嘗到「香港味道」，盡力搜羅香港製作的食物原材料，例如燒賣，魚蛋等等，讓觀眾在戲院享受電影之餘，更能一邊嘗到優質香港小食，多重滋味。當然，暫時在限聚令情況下，未能提供食物予觀眾，但高先電影院正如火如荼準備中。

Golden Scene Cinema 高先電影院開幕及剪綵儀式　股東及董事曾麗芬:「多年嘅願望終於達成」

Golden Scene Cinema 高先電影院 初七 2月18日 (星期四) 盛大開幕，高先電影院股東及董事曾麗芬、王利民、郭秉鑫、梁邵斌、曾憲玟、《狂舞派3》導演黃修平，監製陳心遙、廖婉虹，聯同《狂舞派3》演員蔡瀚億、楊樂文、劉敬雯 (Lydia)、Heyo、劉皓嵐、阿弗，以及各界名人嘉賓當日下午3點舉行開幕及剪綵儀式，身在外地工作的顏卓靈全程IG Live 參與。

高先電影院股東及董事曾麗芬今日在開幕儀式上致辭:「好多謝今日蒞臨嘅各位嘉賓，有投資者、院商、製作界、發行宣傳、文化界同埋各位記者朋友。自從成立左 Golden Scene 之後，我主力做本地同海外發行，亦有參與製作嘅工作，但我相信我嘅朋友同同行，都知道我一直有一個心願，就係希望有一間由我去管理同排片嘅戲院。咁多年嚟，喺搵一間戲院同搵投資者嘅過程中，雖然經歷過好多波折，但每次喺我想放棄嘅時候，都總會出現一點曙光，令我相信，我係應該堅持落去的。到左今日，我多年嘅願望終於達成，但我最開心嘅，係可以得到咁多朋友同同行嘅祝福，甚至係今日能夠撥冗出席嚟分享我嘅喜悅。香港電影，係一個需要各方嘅努力，先可以排除萬難去成長嘅工業，我希望無論係同我一齊成長嘅同輩，睇住我出身嘅前輩，仲有不斷一浪接一浪薪火相傳嘅後輩，無論你係做製作發行宣傳定係戲院，我哋都可以堅守崗位，繼續為香港電影出一分力。只要我哋團結、互相信任、互相欣賞、一齊努力，我哋香港電影界係一定可以發光發亮的。」

資料提供:高先電影