Lara Croft Tomb Raider:The Cradle of Life

評分: 5/10
年份: 2003
片種: 動作
導演: Jan de Bont 占特邦
演員: Angelina Jolie 安祖蓮娜祖莉, Gerrard Butler 謝勒畢拿, 任達華

今天看了優先場,計時差可以話仲要快過美國上畫!結論是:一定好睇過第一集,起碼仲好睇過《未來戰士3: 殲滅者TX》,只是這一點我相信已教羅拉迷放下心頭大石。

全世界睇此片最開心的,我相信是香港人,皆因全片若三分之一的時間都見到香港,亦看到我們的演員任達華, 尹子維及吳耀漢,三人在本片的發揮及演出是不過不失,華仔及尹子維演奸角,前者縯繹唔夠奸唔夠放,驟眼看 仍是一副舞男Look,後者目無表情,最好笑是他拿鎗太似特警持鎗向下的動作,不合乎盜墓賊的身份,至於吳耀 漢是三人之中全無對白及出鏡極小的演員,可說是名乎其實的咖哩啡,但他誇張的表情確實搏到全場觀眾的一 笑。

至於女主角安祖蓮娜的演出比第一集更訓身更落力,儼如女占士邦一樣咁好身手,除了動作,導演給她多了一 條愛情線,上次一條父女線都唔錯,但今次的愛倩線卻令觀眾比較摸不著頭腦,男主角又好似冇在第一集出現 過(唔知有冇記錯),隨便幾句說話交待了她們之間的關係,令觀眾看到她們的感情線就如瞎子摸象!!

特效部門方面,都是沿用回第一集的特效主管,明顯比第一集用心得多,幾場大景都令人有身在羅拉遊戲中的 感覺,動作部門都設計過《T3》這種大戲,場面算係交足功課,但導演占特邦已無復《生死時速》之勇,令人少 少失望。

綜觀全片,有多國及香港靚景,有女主角show動作及身材,有港產演員同聲同聲等多方面的配合,係香港人的都 要入戲院捧場!

記趣:最好笑是香港室內鎗戰某一幕,明明羅拉左太陽穴傷左,但轉眼個傷口又冇事喎;另安祖蓮娜在漁船上借 電視機一幕,個船主的電視機竟然是好貴的LCD電視機,就算有咁既可能都難以令人信服,外國人睇以為香港漁 民原來咁鬼有錢!

文: rubens