《窄路微塵》首映禮

撰文： 編輯部 | 發布日期： 2022年12月08日

《窄路微塵》12月7日晚上假圓方 Premiere Elements舉行首映禮，一眾台前幕後出席，包括監製文佩卿、金馬奬「最佳原創音樂」得主黃衍仁、主演張繼聰、袁澧林、董安娜、朱栢康、麥詠楠、胡卓希。眾多名人嘉賓亦到場支持 (排名不分先後)：導演曾國祥、導演黃進、導演陳小娟、導演劉國瑞、導演陳詠燊、導演袁劍偉、導演陳健朗、導演卓亦謙、導演劉國昌、導演羅耀輝、導演陳志發、導演曾慶宏、導演謝家祺、梁仲恆、顧定軒、白只、黄溢濠、柯煒林、盧鎮業、朱鑑然、梁雍婷、王智騫、林婷、陳海寧、Gao@Collar、麥可暉、林鵬 (My Little Airport 阿P)、張蔓姿、Ernest (試當真 潘宗孝)、Roberto Madan (馬檇鏗)、陳偉雄 (廿四味Phat) 、李凱賢 (廿四味 Brian) 以及謝安琪。

早前《窄路微塵》於今年第59屆金馬獎 榮獲「最佳原創音樂」 (黃衍仁)，同時亦入圍金馬獎「最佳男主角」(張繼聰)、「最佳女主角」(袁澧林)，揚威海外，可喜可賀！

張繼聰表示：「首先好多謝電影公司導演賞識及信任，覺得我一個做開喜劇嘅人都做到正片。因為我覺得依套戲嘅意義好重大，描繪咗疫情下基層經歷嘅困難時期，當時拍戲都有同基層朋友了解。而且（疫情）仲未完，相信觀眾睇嘅時候都唔會覺得陌生。」有指電影主題較為悲情，於聖誕檔期上映未必合適，他則認為：「希望觀眾睇依套戲嘅時候唔會淨係諗到唔開心嘅嘢，會明白其實有好多溫暖喺入面。」

袁澧林指出：「成套戲最大難關就係現實生活冇小朋友，同埋好少同小朋友相處。但依套戲就需要做一個單親媽媽，所以戲外成日都會同Anna (戲中飾演Angela女兒) 出去玩，後尾發現自己都真係幾鐘意同小朋友相處。」

嘉賓在戲院內向觀眾打招呼時，在戲中飾演張繼聰好兄弟的朱栢康則開玩笑道：「我好想繼續自我介紹，但我已經唔記得咗自己係做咩角色啦」引起觀眾哄堂大笑。

電影《窄路微塵》為「mm2新晉導演計劃」繼《濁水漂流》後，另一得獎導演林森的全新力作。由mm2香港出品，高先電影榮譽發行， 文佩卿監製、林森首次執導。

資料提供: 高先電影