愛的軀殼
La Belle

評分: 7/10
年份: 2000
片種: 劇情
導演: Yeo Gyun-Dong
演員: 李智賢， 吳智昊

其實呢套戲係唔錯，佢結合左法式浪漫、日式追求人境陪搭既唯美（呢個純粹個人觀感，雖然隻牒封底話似艾曼妞）同埋典型歪曲少少既愛情觀。
故事大慨：一男一女，男女尋找短暫歡愉後，發展出襄王有夢、神女無心既關係，男由戀軀變戀上女主角，而女還是依舊和舊男友柳斷絲連，即使舊男友不愛她，仍舊接受佢既虐待，做他短暫既愛的替身；同時每次回男主角身邊， 用他做自己愛的替身。 長時間堆積既妒忌令男方最後把那舊男友殺掉；最後，女方得識舊男友突然身亡，男主角知道他永遠不能得到她的一齊，而女角生無可戀下，男在雙方意願下，結束女方不快樂既一生。
睇完後，略慊頭段瑣碎，第一場性事後，李智賢不斷愛理不理既自私行為，把男弄得團團轉，男明知女不愛他，卻仍然寄望李智賢回心轉意，顯得非常懦弱；但就係這種不耐煩既無聊段落，令觀眾更能投入男主角既思維同情感。
個人覺得李智賢不錯，貌似李若彤，柔弱而伶儱浮凸既身材及絲絲秀髮，正好反襯出女方敢愛敢做，瘋狂痴戀行為，係整齣片既焦點；男主角吳智昊，貌若潘安，身型健碩，正好反襯出他對李智賢既矛盾的愛。
我想，用幾句就能交待這個故事：男女雙方縱然有肉體上既交往，雙方卻只是各自精神上既自瀆，男女肉體是緊緊交纏既棉線，雙方靈魂永遠卻是一對平行線
睇過後，真係無乜特別共鳴之處，這齣片就如其他情慾片一樣，好聽一點是以男女主角出發點去明白他們所做既一齊，實際不過是他們不能面對現實吧，不斷為自己自圓其說。我想，無人想成為故事中任何一方。或者死掉的舊男友正是這場遊戲的勝利者吧！ 我對這個故仔無乜太大感覺，但相信愛的軀殼可能揭起失戀男女結焦了的愛情瘡疤吧，看過後，不其然地想我曾經是吳智昊的角色，又或是李智賢，梗可能是那個場外勝利者。

文: 金悅